رسائی

ہر نیو یارکر کے پاس ووٹ ڈالنے کا حق ہے

اگر آپ کو معذوری یا انگریزی کی محدود مہارت کی وجہ سے اپنا بیلٹ بھرنے میں معاونت درکار ہو، تو مدد دستیاب ہے۔ ایک NYC ووٹر کے طور پر اپنے حقوق اور یہ کہ اگر ضرورت پڑے، تو مدد کہاں سے حاصل کریں، کے بارے میں مزید جانیں۔

بیلٹ مارکنگ ڈیوائس 

ووٹرز کو جلدی ووٹنگ کے دوران اور الیکشن کے دن پر اپنے بیلٹ بھرنے میں مدد دینے کے لیے پولنگ کی تمام جگہوں پر بیلٹ مارکنگ ڈیوائسز دستیاب ہیں۔ یہ ڈیوائسز ایسے ووٹرز کے لیے مددگار ہو سکتی ہیں، جو نابینا ہوں، کمزور نظر رکھتے ہوں یا کسی ایسی معذوری یا بیماری کے شکار ہوں، جس کے سبب ایک پین کی مدد سے بیلٹ پر نشان لگانا مشکل یا ناممکن ہو۔ تاہم، ووٹر بیلٹ مارکنگ ڈیوائس کی درخواست کوئی بھی کر سکتا ہے۔

آپ اپنے بیلٹ کو ڈسپلے اسکرین پر دیکھنے، ہیڈ فونز کے ذریعے اپنے انتخاب سننے یا اپنے بیلٹ کا اضافی زبانوں میں ترجمہ کرنے کے لیے بیلٹ مارکنگ ڈیوائس استعمال کر سکتے ہیں۔ اگر آپ بیلٹ مارکنگ ڈیوائس استعمال کرنا چاہیں، تو بس پول ورکر سے مانگ لیں!

یہ ڈیوائس آپ کے بیلٹ پر نشان لگانے کے چار طریقے فراہم کرتی ہے:

• ٹچ اسکرین
• سِپ اینڈ پف ڈیوائس (Sip & puff device)
• کی پیڈ (بریل)
• راکر پیڈل

انتخابات بورڈ (Board of Elections) سے بیلٹ مارکنگ ڈیوائسز کے بارے میں مزید جانیں

قابل رسائی بیلٹ

اگر آپ بصارت سے محروم ہیں یا کاغذی بیلٹ پر نشان نہیں لگا سکتے، تو آپ تب بھی بذریعہ ڈاک ووٹ دے سکتے ہیں۔ قابل رسائی بیلٹ کو اسکرین ریڈر پڑھ سکتا ہے اور اسے کمپیوٹر کے ذریعے بھرا جا سکتا ہے۔ آپ NYC انتخابات بورڈ سے قابل رسائی بیلٹ کی درخواست کر سکتے ہیں۔

ایک قابل رسائی بیلٹ کی درخواست کرنے والے ووٹرز اپنے قابل رسائی بیلٹ پر گھر پر نشان لگانے اور اسے پرنٹ کرنے کے لیے اپنی ذاتی ایڈاپٹو ٹیکنالوجی استعمال کر سکتے ہیں۔ ایک قابل رسائی بیلٹ کے ذریعے ووٹ دینے کے لیے، آپ کو اسے انتخابات بورڈ کو واپس کرنے سے پہلے اپنے بیلٹ کر پرنٹ کرنا ہو گا۔

قابل رسائی بیلٹ کی درخواست کریں

زبان کی رسائی

قانون کے تحت، نیو یارک سٹی کے بیلٹس اور ووٹنگ کے دیگر مواد کا مقامی مردم شماری کے ڈیٹا کے تحت مخصوص پول سائیٹس پر بنگالی، چینی، کوریئن اور ہسپانوی میں ترجمہ کیے جاتے ہیں۔

علاوہ ازیں، ان زبانوں اور دیگر، مثلًا عربی، حیتیئن کریول، روسی اور یڈش زبان، میں معاونت فراہم کرنے کے لیے پول کے کچھ مقامات پر ترجمان دستیاب ہیں۔ آپ تمدنی شمولیت کمیشن (Civic Engagement Commission) کی ویب سائٹ پر جان سکتے ہیں کہ ہر زبان میں پولنگ کے کون سے مقامات مترجمین کی پیشکش کرتے ہیں۔

اگر آپ کو کسی پول سائٹ پر زبان میں مدد کی ضرورت ہے، تو آپ کو اپنے ساتھ اپنا ترجمان لانے کا حق بھی حاصل ہے۔

بطور ووٹر اپنے حقوق کے بارے میں مزید جانیں