NYC میں قومی ووٹر رجسٹریشن کا دن کیوں اہم ہے۔

قومی ووٹر رجسٹریشن کا دن 2024 (باضابطہ ویب سائٹ)  ہمیں اس بات پر غور کرنے کا موقع دیتی ہے کہ نیو یارک سٹی میں اس وقت 5 ملین سے زیادہ رجسٹرڈ ووٹر ہیں۔ یہ بہت بڑی تعداد ہے۔ در حقیقت، یہ امریکہ کے دیگر بڑے شہروں، جیسے شکاگو، ہیوسٹن اور فلاڈیلفیا، سے بھی زیادہ ہے۔  تقریباً ہر 5 میں سے 4 شہری رجسٹرڈ اور اپنا بیلٹ ڈالنے کے اہل ہیں۔ ہم ایک طویل سفر طے کر چکے ہیں۔ لیکن ایک ایسے شہر میں جہاں کی آبادی 8 ملین سے زیادہ ہے، یہ سب کچھ ابھی بھی کافی نہیں ہے۔ 

نیو یارک شہر میں ایسی کمیونٹیز موجود ہیں جنہیں وسائل اور حمایت تک مزید رسائی کی ضرورت ہے، جو صرف ووٹنگ اور شہری شمولیت کی دیگر شکلیں ہی فراہم کر سکتی ہیں۔ ووٹر کا اندراج ان تک پہنچنے کا پہلا قدم ہے۔ صدارتی انتخابات کے تیزی سے قریب آنے کے ساتھ، قومی سطح پر ہونے والی گفتگو ان وسیع تر مسائل کو اجاگر کرنے کی طرف منتقل ہو گئی ہے، جو کہ 5 بوروز سے باہر امریکیوں کو متاثر کر رہے ہیں۔ 

لیکن ہمیں اپنے شہر میں ہونے والی تبدیلیوں کو نظر انداز نہیں کرنا چاہیے۔ NYC کو بہتر بنانے میں حصہ لینے کے لیے ووٹ دینا سب سے سادہ طریقہ ہے۔ تبدیلی لانے کا پہلا قدم یہ ہے کہ نیو یارک کے مزید شہریوں کو ووٹر رجسٹریشن کے لیے راغب کیا جائے۔

2024 میں ووٹر رجسٹریشن کا قومی دن کب ہے؟

17 ستمبر، 2024 نیشنل ووٹر رجسٹریشن ڈے ہے۔ یہ امریکہ کی سب سے بڑی غیر جانبدار شہری چھٹی ہے۔  2012 سے لے کر اب تک ہر سال ستمبر میں منگل کو یہ دن منایا جاتا ہے، جب سے یہ شروع ہوا ہے، کئی تنظیموں اور بہت سی عوامی شخصیات نے اس کاوش کی حمایت کی ہے اور وہ ووٹر رجسٹریشن کی حوصلہ افزائی کے لیے پورے ملک میں  ہزاروں شرکاء کے ساتھ شامل ہوئے ہیں۔

_{NYC Votes نئے ووٹر رجسٹر کر رہا ہے}

NYC (نیو یارک شہر) میں اس NVRD (نیشنل ووٹر رجسٹریشن ڈے) پر ووٹ ڈالنے کے لیے رجسٹریشن کیسے کریں

کاش NYC میں سب کچھ اتنا ہی آسان ہوتا، جتنا ووٹ کرنے کے لیے رجسٹریشن ہونا۔ 

آپ NYC Votes اور TurboVote کے ذریعے ووٹ ڈالنے کے لیے آن لائن رجسٹر کروا سکتے ہیں۔ NYC میں ووٹ کرنے کے لیے رجسٹر کرنے میں 5 منٹ سے بھی کم وقت لگتا ہے! 

آپ ووٹر رجسٹریشن فارم بھی مکمل کر سکتے ہیں اور اسے انتخابات بورڈ پر میل کر سکتے ہیں یا ذاتی طور پر رجسٹر کرنے کے لیے اپنے مقامی دفتر میں جا سکتے ہیں۔

یا شہر بھر میں ہونے والے بہت سے 2024 نیشنل ووٹر رجسٹریشن ڈے کے پروگراموں میں سے کسی ایک میں شامل ہوں اور ایک رضاکار سے کہیں کہ وہ رجسٹر ہونے میں آپ کی مدد کرے!

ووٹ کے لیے رجسٹر کرنا اپنے شہر کے ساتھ بامعنی طور پر منسلک ہونے کا پہلا قدم ہے۔ یہ آپ کو نیو یارک سٹی کے منتخب رہنماؤں کو ان مسائل کی جانب توجہ مرکوز کرنے کا اختیار دیتا ہے، جو آپ کے لیے واقعی اہم ہیں: مثلاً کرایہ کی قیمت، بنیادی وسائل تک رسائی، مؤثر عوامی نقل و حمل اور تعلیم۔ 

اگر آپ کو رجسٹر ہونے میں کوئی پریشانی ہو رہی ہو، تو NYC Votes مدد کے لیے حاضر ہے!

NYC 2024 ووٹر رجسٹریشن کی آخری تاریخ

ہم سب کے آس پاس بہت کچھ ہو رہا ہے اور NYC میں انتخاب کی تاریخوں کا نظر انداز ہو جانا آسان ہو سکتا ہے، لیکن یہاں ایک بات کولازمی یاد رکھنا ہے: نیویارک شہر میں ووٹ کے لیے رجسٹریشن کرنے کی آخری تاریخ 26 اکتوبر 2024 ہے۔ 

NYC میں قبل از وقت ووٹنگ کا پہلا دن آنے والے 2024 انتخاب میں ووٹ ڈالنے کے لیے رجسٹر ہونے کا آخری دن بھی ہے۔

لیکن ایک بار جب آپ ووٹ ڈالنے کے لیے رجسٹریشن ہو جائیں، تو پھر بیلٹ کاسٹ کرنے سے پہلے کچھ سوچنے کی ضرورت نہیں ہے۔

ووٹر رجسٹریشن کا قومی دن کیا ہے؟

نیشنل ووٹر رجسٹریشن ڈے (NVRD) ایک قومی کال ٹو ایکشن ہے، جس میں ووٹر رجسٹریشن ڈرائیوز اور ایونٹس شامل ہیں تاکہ کاؤنٹی میں ووٹر رجسٹریشن اور شمولیت کو بڑھایا جا سکے۔ اس کا مقصد اس بات کو یقینی بنانا ہے کہ تمام اہل شہری ہماری جمہوریت کے بنیادی حصے میں حصہ لے سکیں۔  رجسٹریشن اس عمل کا آغاز ہے۔ 

2012 میں غیر منافع بخش تنظیموں اور شہری گروپوں کے اتحاد کے ذریعے NVRD قائم کیا گیا تھا تاکہ ووٹر رجسٹریشن کے خلا کو پورا کیا جا سکے اور شہریوں کی شمولیت کی حوصلہ افزائی کی جا سکے۔ ملک بھر میں تقریباً 2000 شہری تنظیموں نے پہلے نیشنل ووٹر رجسٹریشن ڈے کے آغاز میں حصہ لیا۔ کھیل، تفریح، اور سیاست کی نامور شخصیات نے ہزاروں رضاکاروں کے ساتھ مل کر ووٹر رجسٹریشن کی حوصلہ افزائی کے لیے اپنی آواز بلند کی۔ ملک گیر اتحاد سوشل میڈیا پوسٹس، فیلڈ ریسورسز، لوگو کی تجارت، فنڈ ریزنگ اور رضاکارانہ کوششوں کے لیے گرافکس کا اشتراک کرتا ہے۔

اگرچہ NVRD ملک بھر میں بہت سی تنظیموں کی طرف سے ایک مربوط کوشش ہے، NYC Votes جیسے مقامی گروپس ہماری اپنی کمیونٹیز میں ذمہ دارانہ کردا ادا کرتے ہیں تاکہ ووٹر کی آراء کو براہ راست سن سکیں اور NYC کے مخصوص وسائل کا اشتراک کریں۔

_{NVRD 2024 سوشل میڈیا ٹول کٹ گرافک}

NYC میں 2024میں نیشنل ووٹر رجسٹریشن ڈے میں شامل ہونے کے طریقے

چاہے آپ پہلے سے رجسٹرڈ ہوں یا صرف اپنے جاننے والے لوگوں کی مدد کرنا چاہتے ہوں،  اس میں شامل ہونے کے بہت سارے طریقے ہیں۔ 

آپ کمیونٹی سینٹرز، لائبریریوں اور اسکولوں میں مقامی ووٹر رجسٹریشن مہم کو منظم کرنے یا اس میں حصہ لے کر مدد فراہم کر سکتے ہیں۔ یا ہمارے NYC Votes رضاکارانہ پروگراموں میں سے کسی میں شامل ہوں! 

اپنے پڑوسیوں اور دوستوں اور خاندان کے افراد پر ان کی ووٹر رجسٹریشن کی صورت حال کی جانچ کرنے کے لیے ہلکا پھلکا دباؤ ڈالیں یا انہیں یاد دلائیں کہ ووٹ ڈالنے کے رجسٹر ہونے سے کوئی نقصان تو نہیں ہو گا۔ 

ووٹر کی تعلیم اور رسائی پر توجہ مرکوز کرنے والی مقامی تنظیموں کے ساتھ تعاون کرنا (جیسے ہم!)  زیادہ لوگوں کو ان کے ووٹنگ کے حقوق سے آگاہ رکھنے میں مدد فراہم کر سکتا ہے۔

NYC میں ووٹنگ کی مختصر تاریخ

اس سال کے نیشنل ووٹر رجسٹریشن ڈے کے موقع پر، آئیے نیو یارک سٹی میں ووٹنگ کی تاریخ پر ایک نظر ڈالیں۔

1. شہر بھر میں انتخاب کا انتباہ
   NYC نے اپنا پہلا میونسپل انتخاب 1665 میں منعقد کیا تھا، جس میں شہریوں نے میئر سمیت مقامی رہنماؤں کو ووٹ دیا تھا۔
2. 1965 کا ووٹنگ کے حقوق کا ایکٹ
   اس وفاقی قانون کا NYC، خاص طور پر بروکلین، برونکس اور مین ہٹن میں خاصا اثر ہوا ہے، جہاں پر اس وقت ووٹر رجسٹریشن کی شرحیں بہت کم تھیں۔
3. نوجوانوں کا ووٹ
   1971 میں، نیویارک میں ووٹنگ کی عمر 21 سے 18 ہے۔
4. ارے یہ ہم ہیں!
   1988 میں، تشہیری مہم سے متعلق مالی امور بورڈ انتخاب میں حصہ لینے میں حائل رکاوٹوں کو ختم کرنے اور شہر کی راست بازی میں شفافیت کی حوصلہ افزائی کے لیے تشکیل دیا گیا تھا۔ ہم تب سے اچھی لڑائی لڑ رہے ہیں!

جیسے ہی نومبر قریب آ رہا ہے، نیویارک کے باشندوں کے لیے اپنے مستقبل کو تشکیل دینے کا موقع بھی قریب آ رہا ہے۔ ووٹ صرف ایک حق نہیں ہے۔ یہ ان مسائل پر تبدیلی لانے کا ایک طاقتور ٹول ہے جو اس شہر کے لیے سب سے زیادہ اہمیت رکھتے ہیں اور ہمارے منتخب رہنماؤں کو ہماری کمیونٹیز کے سامنے جوابدہ ٹھہراتے ہیں۔ پہلے رجسٹر کر کے اور پھر آئندہ انتخاب میں ووٹ دینے کا منصوبہ بنا کر، آپ اس بات کو یقینی بنانے میں مدد کرتے ہیں کہ ہماری اقدار کی نمائندگی وہ لوگ کرتے ہیں جو ہمارے حقیقی نمائندے ہوں۔ آئیے اس رجسٹریشن کو اچھے استعمال میں لاتے ہیں اور ہر رجسٹرڈ NYC ووٹر کو اس نومبر میں پول کے لیے لے جاتے ہیں!