انتخاب کے دن سے پہلے قبل از وقت ووٹ دیں
ہر NYC ووٹر انتخاب کے دن سے پہلے بالمشافہ طور پر قبل از وقت ووٹ دے سکتا ہے۔ قبل از وقت ووٹ دینا آسان، تیز اور لچکدار ہے۔
ووٹ کہاں دینا ہے
آپ کو ووٹ اپنی تقویض کردہ قبل از وقت وٹنگ سائٹ پر دینا ہو گا۔ آپ کی قبل از ووٹنگ کا مقام آپ کے انتخاب کے دن کی پول سائٹ سے مختلف ہو سکتا ہے، لہذا جانے سے پہلے جانچ کرنا یقینی بنائیں!
اس سال سے، نیویارک کا ارلی میل ووٹر ایکٹ (Early Mail Voter Act) تمام ووٹروں کو ڈاک کے ذریعے قبل از وقت ووٹ دینے کی اجازت دے رہا ہے۔ اب آپ کو بذریعہ ڈاک ووٹ دینے کی وجہ بتانے کی ضرورت بھی نہیں ہے!
آپ کو یہ جاننے کی ضرورت ہے
- ہر رجسٹر شدہ ووٹر اپنے لیے قبل از وقت بذریعہ ڈاک بیلٹ کی درخواست کر سکتا ہے۔
- اگر آپ کے پاس اس انتخاب کے لیے قبل از وقت بذریعہ ڈاک یا غیر حاضر بیلٹ موجود ہے، تو آپ اپنے پولنگ کے مرکز پر جا کر ووٹنگ مشین استعمال نہیں کر سکتے۔
- اگر آپ اپنا غیر حاضر یا قبل از وقت میل بیلٹ استعمال نہیں کرتے، تو آپ اپنے پولنگ کے مرکز پر صرف ذاتی طور پر جا کر حلف نامہ والے بیلٹ کے ساتھ ووٹ دے سکتے ہیں، نہ کہ ووٹنگ مشین کے ذریعے۔
قبل از وقت میل بیلٹ کے لیے کیسے اپلائی کریں
- آن لائن یہاں پر: https://requestballot.vote.nyc
- معذوری کے حامل ایسے ووٹر جنہیں اپنے بیلٹ میں مدد کی ضرورت ہو، وہ یہاں پر ایک قابل رسائی بیلٹ کی درخواست کر سکتے ہیں: https://requestballot.vote.nyc/accessibility
- آپ کے مقامی انتخابات بورڈ (Board of Elections, BOE) کے دفتر میں ذاتی طور پر جا کر۔
اپنے بیلٹ کے لیے کب درخواست کریں
یہ یقینی بنائیں کہ قبل از وقت میل بیلٹ یا غیر حاضر بیلٹ کی درخواست، بذریعہ ڈاک یا آن لائن، آخری تاریخ سے پہلے کریں جو انتخاب سے دس دن پہلے ہوتی ہے۔ آپ انتخاب سے ایک دن پہلے تک، ذاتی طور پر درخواست کر سکتے ہیں۔
2024 انتخاب کے لیے، قبل از وقت میل بیلٹ کی درخواست کرنے کی آخری تاریخیں
- صدارتی پرائمری انتخاب 2 اپریل، 2024
- آن لائن یا بذریعہ ای میل درخواست کرنے کی آخری تاریخ 23 مارچ، 2024 ہے
- آپ کے مقامی انتخابات بورڈ کے دفتر میں جا کر بالمشافہ طور پر اپلائی کرنے کے لیے آخری تاریخ 1 اپریل، 2024 ہے
- 25 جون، 2024 برائے ریاستی اور وفاقی پرائمری انتخابات:
- آن لائن یا بذریعہ ڈاک اپلائی کرنے کی آخری تاریخ 15 جون، 2024 ہے
- آپ کے مقامی انتخابات بورڈ کے دفتر میں جا کر بالمشافہ طور پر درخواست کرنے کے لیے آخری تاریخ 24 جون، 2024 ہے
- 5 نومبر: عام انتخابات
- آن لائن یا بذریعہ ڈاک اپلائی کرنے کی آخری تاریخ 26 اکتوبر، 2024 ہے
- آپ کے مقامی انتخابات بورڈ کے دفتر میں جا کر بالمشافہ طور پر اپلائی کرنے کے لیے آخری تاریخ 4 نومبر، 2024 ہے
آپ کے بیلٹ وصول کر لینے کے بعد
- ہر دفتر کے لیے اپنی پسند منتخب کریں اور ان پر بیلٹ پر نشان لگائیں۔
- بیلٹ کو مہیا کردہ سیکورٹی لفافے میں ڈالیں۔
- سیکورٹی لفافے کی بیرونی جگہ پر دستخط کریں اور تاریخ درج کریں۔
- سیکورٹی لفافے کو سِیل کر دیں۔
- سیکورٹی لفافے کو واپسی والے بڑے لفافے میں ڈالیں جس پر آپ کے انتخابات بورڈ کا واپسی کا پتہ درج ہوتا ہے اور اس پر ایک لوگو موجود ہوتا ہے، جس پر یہ لکھا ہوا ہوتا ہے: "Official Election Mail)"۔
- واپسی کے لفافے کو سِیل کر دیں۔
- میل باکس تلاش کریں اور اس میں ڈال دیں۔ ٹکٹ لگانے کی ضرورت نہیں ہے!
سب سے زیادہ کثرت سے پوچھے جانے والے سوالات
قبل از وقت ووٹنگ کب ہے؟
قبل از وقت ووٹنگ انتخاب کے دن سے 10 دن پہلے شروع ہوتی ہے اور انتخاب کے دن سے پچھلے اتوار کو ختم ہوتی ہے۔
اگر میں نے غیر حاضر بیلٹ کی درخواست کی یا جمع کروا دیا، تو کیا میں قبل از وقت ووٹ دے سکتا/سکتی ہوں؟
اگر آپ نے ایک غیر حاضری والے بیلٹ کی درخواست کی ہے، تو آپ کو اسی سے ووٹ دینے کے ارادے میں ہونا چاہیے۔ پولز کے کھلے رہنے کے دوران آپ اپنا مکمل غیر حاضری والا بیلٹ، قبل از ووٹنگ سائٹ کی کسی بھی جگہ پر چھوڑ سکتے ہیں۔ تاہم، اگر آپ غیر حاضری والے بیلٹ کی درخواست کرنے کے بعد بالمشافہ ووٹ دینے کا فیصلہ کرتے ہیں تو آپ کو اپنے پول کی سائٹ پر ایک بیان حلفی بیلٹ کے ساتھ ووٹ دینا پڑے گا۔ یہ بیلٹ مختلف نظر آئے گا۔ اگر آپ کو مدد کی ضرورت ہو، تو پول ورکر کو کہیں۔
قبل از وقت ووٹنگ کے فوائد کیا ہیں؟
قبل از ووٹنگ ووٹرز کو زیادہ لچک دیتی ہے، انتخاب کے دن انتظار کے وقت کو کم کرتی ہے اور پول ورکرز پر بوجھ کو کم کرتی ہے، جو تمام لوگوں کے لیے ووٹ دینے کا خوشگوار تجربہ بناتا ہے!
ہم قابل از وقت ووٹ کیوں دیتے ہیں؟
قبل از وقت ووٹنگ کو گورنر نے 2019 میں دستخط کر کے قانون میں شامل کیا تھا۔ اسے ریاستی سینٹ اور اسمبلی میں دونوں اطراف کی مشترکہ معاونت حاصل تھی۔
